‘राधा प्रेम रंगी रंगली’, ‘आई माझी काळूबाई’ यांसारख्या दर्जेदार मालिकांनी प्रेक्षकांना वेड लावणाऱ्या अभिनेत्री वीणा जगतापचा मोठा चाहता वर्ग आहे. वीणाही ‘बिग बॉस’मध्ये सहभागी झाली होती. सध्या ती तिच्या कामापेक्षा तिच्या वैयक्तिक आयुष्यामुळे जास्त चर्चेत आहे. बिग बॉसमध्ये वीणा आणि शिव ठाकरे यांच्या लव्ह मॅचची खूप चर्चा झाली पण ती फार काळ टिकली नाही. त्यानंतर दोघे वेगळे झाले. आता वीणाने प्रेमाविषयी एक पोस्ट शेअर केली आहे. ते पाहून चर्चेला उधाण आले आहे.
वीणाच्या एका पोस्टने सगळ्यांचे लक्ष वेधून घेतले आहे. नुकतेच तिने इंस्टाग्रामवर काही फोटो शेअर केले आहेत. हे अगदी पारंपारिक बाजाराचे फोटो आहेत. ज्यामध्ये वीणाने तपकिरी रंगाची साडी नेसली आहे आणि गजरा, बांगड्या, ठुशीसह पारंपारिक लूक दिला आहे. यावेळी वीणाच्या भांगातील कुंकूने लक्ष वेधून घेतले.. अनेकांनी तिला विचारले की, या चित्रीकरणादरम्यान वीणाने कुंकू लावल्याने तो नेमका कोणासाठी आहे?
तसेच या फोटोला वीणाने दिलेले कॅप्शन लक्षवेधी ठरले आहे. ‘प्यार हुआ, इकरार हुआ’ असे तिने म्हटले आहे. त्यासोबत तिने दोन हार्ट इमोजी शेअर केले आहेत. ही पोस्ट सध्या ट्रेंडमध्ये आहे. ‘तो भाग्यवान मुलगा कोण आहे’, तू कोणाची बायको होणार आहेस’, ‘तू खूप सुंदर दिसतेस’, ‘भांगतले कुंकू कुणासाठी’ अशा अनेक कमेंट्स आल्या आहेत. या फोटोमुळे शिव आणि वीणा पुन्हा एकत्र आल्याचेही बोलले जात आहे. मात्र सध्या शिव आणि वीणा यांच्यात प्रेमसंबंध नाही. पण बिग बॉसमध्ये असताना वीणाने शिवला नेहमीच पाठिंबा दिला होता.
